♦ denteren ♦
Uonn mettin nus – sper nossas finamiras ideologicas, sil tema «denteren». Quei denteren vegn tematisau sin nivel individual, collectivamein e sistemic. Vus vegnis a sentir quei tema el program, visual ed enzanua denteren. Sper il program da musica havein presentein nus era ina part d'in open call. Nus selegrein!

♦ Capitalissem e co nus mein entuorn cun ei ♦
Quei festival ei nuncommercials. Il Buatsch vul esser in liug solidaric e vul scaffir accessibladad. Nus mettin peisa sin products persistents e regiunals. E nus vulein gaschas gestas per artist*as. Quei funcziunescha, perquei che bia glieud lavura gratuit – era sche quei ei lur professiun. Grazia ad ils collectivs da cuschinar, allas persunas che lavuran per ina pintga indemnisaziun vid il tun e la glisch sin tribuna, al team dad awareness che mira ch'il festival seigi in liug segir e senza discriminaziun, al team da sanitad ed a tut ils mauns gidonts duront baghegiar si e giu.
Nus semettin al paradox denter lavurs pagadas e nunpagadas. Pertgei ei drova omisdus – e tut denteren. Nus essan cunscient a quellas cuntradicziuns ed imparitads, vulein s'opponer a quellas cun transparenza. Nus vulein che tut la lavur al buatsch vegn appreziada. Lavur nunpagada duei buca muntar explotaziun da sesez – quei project duei dar dapli energia ch'ei pren. Nus vulein prender serius differenzas finanzialas. Buca a tutt*as eis ei pusseivel da luvrar voluntari. Per saver ir en sin quei, dat ei in «pot» finanzial per saver indemnisar lavur tenor basegns. Prezis directivs ein prezis che sedrezzan, per saver curclar ils cuosts per il festival. Prezis directivs ein prezis solidarics.  Tut*tas pagan tenor lur pusseivladads – buca tut*tas han las medemas. Il prezi serva sco orientaziun: paga, con ti sas e vul. Grazia ad ils prezis directivs decidas ti sez il prezis, ti sas eruir tia situaziun finanziala il meglier e con bia che ti lavuras per il festival. Ei drova tut*tas che portan era cun quella politica, surprendan responsabladad e miran in da lauter. Mo aschia sa il Buatsch funcziunar. Engraziel, che ti gidas a contribuir ad in Buatsch che vul esser: solidaric, persistent ed in project communabel.
Nus vivin en in mund capitalistic – lein far il meglier ordlunder!